സലാല : (gcc.truevisionnews.com) ഒമാൻ ദോഫർ ഗവർണറേറ്റിൽ കാർഷിക നിയന്ത്രണ വകുപ്പും ഉപഭോക്തൃ സംരക്ഷണ അതോറിറ്റിയും സംയുക്തമായി നടത്തിയ മിന്നൽ പരിശോധനയിൽ വൻതോതിൽ അനധികൃത കീടനാശിനികൾ പിടിച്ചെടുത്തു. വിപണന കേന്ദ്രങ്ങളിൽ നടത്തിയ പരിശോധനയിൽ ലൈസൻസില്ലാത്ത 75 പാക്കറ്റ് കീടനാശിനികളാണ് കണ്ടെത്തിയത്. കാർഷിക ഉൽപ്പന്നങ്ങളുടെയും കീടനാശിനികളുടെയും വിപണനത്തിൽ സുരക്ഷാ മാനദണ്ഡങ്ങൾ പാലിക്കുന്നുണ്ടെന്ന് ഉറപ്പുവരുത്തുന്നതിന്റെ ഭാഗമായാണ് നടപടി. ഗുണനിലവാരമില്ലാത്ത കീടനാശിനികളുടെ ഉപയോഗം തടയുന്നതിനും പൊതുജനാരോഗ്യവും പരിസ്ഥിതി സുരക്ഷയും ഉറപ്പാക്കുന്നതിനുമായി പരിശോധനകൾ വരും ദിവസങ്ങളിലും തുടരുമെന്ന് അധികൃതർ വ്യക്തമാക്കി.
പിടിച്ചെടുത്ത അനധികൃത ഉൽപ്പന്നങ്ങൾ കർശനമായ നിയമനടപടികൾക്കായി കസ്റ്റഡിയിലെടുത്തു. ചട്ടങ്ങൾ ലംഘിച്ച് പ്രവർത്തിച്ച സ്ഥാപനങ്ങൾക്കെതിരെ ഉചിതമായ നിയമനടപടികൾ സ്വീകരിച്ചതായി അധികൃതർ വ്യക്തമാക്കി. അംഗീകാരമില്ലാത്ത കീടനാശിനികൾ ഉപയോഗിക്കുന്നത് കാർഷിക വിളകൾക്കും മണ്ണിന്റെ ആരോഗ്യത്തിനും ദോഷകരമാണെന്നിരിക്കെ, ഇത്തരം നിയമലംഘനങ്ങൾക്കെതിരെ വരും ദിവസങ്ങളിലും കർശനമായ പരിശോധനകൾ തുടരുമെന്ന് ബന്ധപ്പെട്ട വകുപ്പുകൾ അറിയിച്ചു. കാർഷിക ഉൽപ്പന്നങ്ങളുടെ വിപണനത്തിൽ സുതാര്യതയും നിലവാരവും ഉറപ്പുവരുത്താൻ വ്യാപാരികൾ നിർബന്ധമായും സർക്കാർ മാനദണ്ഡങ്ങൾ പാലിക്കണമെന്നും നിയമങ്ങൾ ലംഘിക്കുന്നവർക്കെതിരെ ശക്തമായ നടപടികൾ സ്വീകരിക്കുമെന്നും അധികൃതർ മുന്നറിയിപ്പ് നൽകി.
Oman Consumer Protection Authority conducts lightning raid; Illegal products seized in Dhofar
