അൽ ജൗഫ്: അൽ ജൗഫ് മുൻസിപ്പാലിറ്റി ഷഅ്ബാൻ മാസത്തിൽ നടത്തിയ കർശനമായ പരിശോധനകളെത്തുടർന്ന് ആരോഗ്യ മാനദണ്ഡങ്ങൾ ലംഘിച്ച 50 വ്യാപാര സ്ഥാപനങ്ങൾ അടച്ചുപൂട്ടി.
ഭക്ഷ്യശാലകൾ, കഫേകൾ, ഷോപ്പിംഗ് മാളുകൾ തുടങ്ങി വിവിധ ഇടങ്ങളിലായി ഏകദേശം 4,173 പരിശോധനകളാണ് അധികൃതർ നടത്തിയത്. ഇതിൽ നിന്നുമായി 719 നിയമലംഘനങ്ങൾ കണ്ടെത്തി.
ആവർത്തിച്ചുള്ള വീഴ്ചകളും ഗുരുതരമായ ആരോഗ്യപ്രശ്നങ്ങളും കണക്കിലെടുത്താണ് 50 സ്ഥാപനങ്ങൾക്കെതിരെ അടച്ചുപൂട്ടൽ നടപടി സ്വീകരിച്ചതെന്ന് മുൻസിപ്പാലിറ്റി വക്താവ് ഒമർ അൽ ഹംവാൻ അറിയിച്ചു.
ജനങ്ങളുടെ സുരക്ഷ ഉറപ്പാക്കുന്നതിനും സേവന നിലവാരം മെച്ചപ്പെടുത്തുന്നതിനുമായി പരിശോധനകൾ തുടരുമെന്ന് അധികൃതർ വ്യക്തമാക്കി. പരാതികൾ അറിയിക്കാൻ 940 എന്ന നമ്പറിൽ ബന്ധപ്പെടാവുന്നതാണ്.
Content Highlight: Municipality action in Al Jawf; 50 establishments that violated the law were closed
