---
title: " ഹൃദയാഘാതം; പ്രവാസി മലയാളി ജിദ്ദയിൽ അന്തരിച്ചു "
english_title: "Malappuram Native Dilshad Passes Away in Jeddah Due to Heart Attack"
publisher: "gccnews.in"
canonical_url: "https://gcc.truevisionnews.com/news/374115/malappuram-dilshad-passes-away-jeddah-heart-attack-new"
published_at: "2026-07-23T14:26:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a61d7d824f41_malappuram-dilshad-passes-away-jeddah-heart-attack.jpg"
keywords: ["Latest News", "Heart Attack", "Expatriate", "Saudi Arabia"]
---

#  ഹൃദയാഘാതം; പ്രവാസി മലയാളി ജിദ്ദയിൽ അന്തരിച്ചു 

> **Lead Summary:** ജിദ്ദ: സൗദി അറേബ്യയിലെ ജിദ്ദയിൽ മലപ്പുറം സ്വദേശി ഹൃദയാഘാതത്തെ തുടർന്ന് അന്തരിച്ചു. മലപ്പുറം വണ്ടൂർ വാണിയമ്പലം ശാന്തിനഗറിൽ താമസിക്കുന്ന പള്ളിയാളി ദിൽഷാദ് ആണ് മരിച്ചത്.

## Article Content

ജിദ്ദ: സൗദി അറേബ്യയിലെ ജിദ്ദയിൽ മലപ്പുറം സ്വദേശി ഹൃദയാഘാതത്തെ തുടർന്ന് അന്തരിച്ചു. മലപ്പുറം വണ്ടൂർ വാണിയമ്പലം ശാന്തിനഗറിൽ താമസിക്കുന്ന പള്ളിയാളി ദിൽഷാദ് ആണ് മരിച്ചത്.

ജിദ്ദ ഫലസ്തീൻ റോഡിലെ മൊബൈൽ മാർക്കറ്റിൽ ജോലി ചെയ്തുവരികയായിരുന്നു ദിൽഷാദ്. താമസസ്ഥലത്ത് വെച്ച് പെട്ടെന്ന് നെഞ്ചുവേദന അനുഭവപ്പെട്ടതിനെ തുടർന്ന് ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. 22 വർഷമായി ജിദ്ദയിൽ പ്രവാസിയായി ജീവിക്കുകയായിരുന്നു അദ്ദേഹം.

പിതാവ്: പള്ളിയാളി അബ്ദുൽ കരീം. മാതാവ്: നരിമണ്ണിൽ മൈമൂന. ഭാര്യ: റുബീന. മക്കൾ: ദിയാൻ, ഐദിൻ. സഹോദരികൾ: ദിൽസത്ത്, ദിൽറുബ.

നിലവിൽ ജിദ്ദ കിങ് ഫഹദ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നിയമപരമായ നടപടികൾ പൂർത്തിയാക്കിയ ശേഷം ജിദ്ദയിൽ തന്നെ ഖബറടക്കുമെന്ന് ബന്ധുക്കൾ അറിയിച്ചു. നടപടികൾക്കായി കെ.എം.സി.സി ജിദ്ദ വെൽഫയർ വിങ് പ്രവർത്തകർ രംഗത്തുണ്ട്.

പെട്ടെന്നുള്ള വിയോഗം നാട്ടിലും പ്രവാസി സുഹൃത്തുക്കൾക്കിടയിലും വലിയ ദുഃഖമുണ്ടാക്കിയിട്ടുണ്ട്. ഭാര്യയും രണ്ട് കുട്ടികളും അടക്കമുള്ള കുടുംബം വണ്ടൂരിലാണ്. ദിൽഷാദിന്റെ മരണവാർത്ത അറിഞ്ഞ് നിരവധി പേരാണ് അനുശോചനവുമായി രംഗത്തെത്തിയത്.

### Related Links & Sources
- [Original Story Source](https://gcc.truevisionnews.com/news/374115/malappuram-dilshad-passes-away-jeddah-heart-attack-new)