---
title: "ദുബായ് ശൈഖ് സായിദ് റോഡിൽ റെസ്റ്റോറന്റിൽ തീപിടിത്തം"
english_title: "Fire at a restaurant on Sheikh Zayed Road, Dubai"
publisher: "gccnews.in"
canonical_url: "https://gcc.truevisionnews.com/news/370792/fire-at-a-restaurant-on-sheikh-zayed-road-dubai"
published_at: "2026-07-06T15:49:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a4b82fba38b5_z.jpg"
keywords: ["Latest News", "Dubai", "Sheikh Zayed Road Restaurant", "Fire"]
---

# ദുബായ് ശൈഖ് സായിദ് റോഡിൽ റെസ്റ്റോറന്റിൽ തീപിടിത്തം

> **Lead Summary:** **ദുബായ്: [ **ദുബായിലെ ശൈഖ് സായിദ് റോഡിലുള്ള റെസ്റ്റോറന്റിൽ ഉണ്ടായ തീപിടിത്തം അഗ്നിശമന സേനയുടെ സമയോചിതമായ ഇടപെടലിലൂടെ നിയന്ത്രണവിധേയമാക്കി.

## Article Content

**ദുബായ്: [ **ദുബായിലെ ശൈഖ് സായിദ് റോഡിലുള്ള റെസ്റ്റോറന്റിൽ ഉണ്ടായ തീപിടിത്തം അഗ്നിശമന സേനയുടെ സമയോചിതമായ ഇടപെടലിലൂടെ നിയന്ത്രണവിധേയമാക്കി.

തിങ്കളാഴ്ച രാവിലെയാണ് സംഭവം നടന്നത്. മൂന്ന് മണിക്കൂറിലധികം നീണ്ട തീവ്രശ്രമത്തിനൊടുവിലാണ് തീ അണയ്ക്കാൻ സാധിച്ചത്. അപകടത്തിൽ ആർക്കും പരിക്കേറ്റിട്ടില്ലെന്ന് ദുബായ് സിവിൽ ഡിഫൻസ് ഔദ്യോഗികമായി അറിയിച്ചു.

രാവിലെ 7:42-ഓടെയാണ് തീപിടിത്തത്തെക്കുറിച്ചുള്ള സന്ദേശം സിവിൽ ഡിഫൻസ് കൺട്രോൾ റൂമിൽ ലഭിച്ചത്. ആറ് മിനിറ്റിനുള്ളിൽ തന്നെ അൽ ഇത്തിഹാദ് ഫയർ സ്റ്റേഷനിൽ നിന്നുള്ള സംഘം സ്ഥലത്തെത്തി രക്ഷാപ്രവർത്തനം ആരംഭിച്ചു. സുരക്ഷാ മുൻകരുതൽ എന്ന നിലയിൽ കെട്ടിടത്തിലുണ്ടായിരുന്നവരെ ഉദ്യോഗസ്ഥർ പെട്ടെന്നുതന്നെ ഒഴിപ്പിച്ചു. 10:50-ഓടെ തീ പൂർണ്ണമായും നിയന്ത്രണവിധേയമാക്കി.

നിലവിൽ തീ വീണ്ടും പടരാതിരിക്കാനുള്ള 'കൂളിംഗ് ഓപ്പറേഷൻസ്' നടന്നുവരികയാണ്. ഇതിനുശേഷം തുടർനടപടികൾക്കായി സ്ഥലം ബന്ധപ്പെട്ട അധികാരികൾക്ക് കൈമാറുമെന്ന് അധികൃതർ അറിയിച്ചു.

### Related Links & Sources
- [Original Story Source](https://gcc.truevisionnews.com/news/370792/fire-at-a-restaurant-on-sheikh-zayed-road-dubai)