---
title: "തെറ്റുകളുടെ ലോകത്തേക്ക് ഇവര്‍ പോകാതിരിക്കട്ടെ, തടവുകാരെ നല്ലമനുഷ്യരായി സമൂഹത്തിലേക്ക് തിരികെ കൊണ്ടുവരിക ലക്ഷ്യം; പദ്ധതിയുമായി റാസല്‍ഖൈമ"
english_title: "uae new rehab initiative in rak gives inmates shot at life after prison"
publisher: "gccnews.in"
canonical_url: "https://gcc.truevisionnews.com/news/334155/uae-new-rehab-initiative-in-rak-gives-inmates-shot-at-life-after-prison"
published_at: "2026-01-01T10:29:00+05:30"
category: "Gulf Focus"
language: "ml"
image: "https://cf.zdn.im/img/truevisionnews.com/0/image-uploads/6955ff5323a67_jailled.jpg"
keywords: []
---

# തെറ്റുകളുടെ ലോകത്തേക്ക് ഇവര്‍ പോകാതിരിക്കട്ടെ, തടവുകാരെ നല്ലമനുഷ്യരായി സമൂഹത്തിലേക്ക് തിരികെ കൊണ്ടുവരിക ലക്ഷ്യം; പദ്ധതിയുമായി റാസല്‍ഖൈമ

> **Lead Summary:** **റാസല്‍ഖൈമ: [** തടവുകാരെ നല്ലമനുഷ്യരായി സമൂഹത്തിലേക്ക് തിരികെ കൊണ്ടുവരാനുള്ള പുതിയ പുനരധിവാസ പദ്ധതിയുമായി റാസല്‍ഖൈമ. വിദ്യാഭ്യാസം, തൊഴില്‍ പരിശീലനം, മാനസിക പരിചരണം എന്നിവ സംയോജിപ്പിച്ചാണ് പദ്ധതി തയ്യാറാക്കിയിരിക്കുന്നത്.

## Article Content

**റാസല്‍ഖൈമ: [** തടവുകാരെ നല്ലമനുഷ്യരായി സമൂഹത്തിലേക്ക് തിരികെ കൊണ്ടുവരാനുള്ള പുതിയ പുനരധിവാസ പദ്ധതിയുമായി റാസല്‍ഖൈമ. വിദ്യാഭ്യാസം, തൊഴില്‍ പരിശീലനം, മാനസിക പരിചരണം എന്നിവ സംയോജിപ്പിച്ചാണ് പദ്ധതി തയ്യാറാക്കിയിരിക്കുന്നത്.

പുനരധിവാസവും സമൂഹസുരക്ഷയും ശക്തിപ്പെടുത്തുന്നത് ലക്ഷ്യമിട്ടാണ് പുതിയ പദ്ധതിക്ക് രൂപം നല്‍കിയിരിക്കുന്നത്. ജയിലില്‍ നിന്ന് ഇറങ്ങിയശേഷം വീണ്ടും തെറ്റുകളുടേയും കുറ്റകൃത്യങ്ങളുടേയും ലോകത്തേക്ക് ഇവര്‍ പോകാതിരിക്കാന്‍ ശ്രദ്ധിക്കുക എന്നതാണ് ഉദ്ദേശം.

ഷെയ്ഖ് സൗദ് ബിന്‍ സഖര്‍ അല്‍ ഖാസിമി ഫൗണ്ടേഷന്‍ ഫോര്‍ പോളിസി റിസര്‍ച്ച് ആണ് പദ്ധതി നടപ്പാക്കുന്നത്. പലപ്പോഴും വിദ്യാഭ്യാസം, നൈപുണ്യ പരീശീലനം, എന്നിവയുടെ അപര്യാപ്തതയും സാമൂഹിക പശ്ചാത്തലവുമാണ് പലരേയും കുറ്റകൃത്യത്തിന്റെ പാതയിലേക്ക് തിരിച്ചുവിടുന്നത്. ഇതിനെ മറികടക്കാനാണ് പദ്ധതി ആസൂത്രണം ചെയ്തിരിക്കുന്നത്.

വ്യക്തിഗത പുനരധിവാസ ആവശ്യങ്ങള്‍ പരിഹരിക്കുക മാത്രമല്ല, ശക്തമായ കുടുംബ സ്ഥിരത, മെച്ചപ്പെട്ട സാമൂഹിക ഐക്യം, മെച്ചപ്പെട്ട പൊതു സുരക്ഷ എന്നിവയുള്‍പ്പെടെ വിശാലമായ സാമൂഹിക നേട്ടങ്ങള്‍ നല്‍കാനും ഈ പരിപാടി ലക്ഷ്യമിടുന്നുവെന്ന് സംഘാടകര്‍ വിശദീകരിച്ചു.

2027 വരെ നീണ്ടുനില്‍ക്കുന്ന ഈ പരിപാടി, ആവശ്യങ്ങള്‍ അടിസ്ഥാനമാക്കിയുള്ളതും ഡാറ്റാധിഷ്ഠിതവുമായ ഒരു വിലയിരുത്തല്‍ മാതൃകയിലാണ് നിര്‍മ്മിച്ചിരിക്കുന്നത്. പങ്കെടുക്കുന്ന തടവുകാരെ സാക്ഷരത, ഭാഷാ പ്രാവീണ്യം, ജീവിത നൈപുണ്യം, മാനസിക ക്ഷേമം എന്നിവ അളക്കുന്ന സമഗ്രമായ വിലയിരുത്തലുകള്‍ക്ക് വിധേയരാക്കും. ഓരോരുത്തര്‍ക്കും അവരുടെ പ്രത്യേക ആവശ്യങ്ങള്‍ക്കും സാഹചര്യങ്ങള്‍ക്കും അനുസൃതമായി പിന്തുണയും ലഭ്യമാക്കും.

മൂന്ന് പ്രധാന തത്ത്വങ്ങളെ അടിസ്ഥാനമാക്കിയാണ് ഈ സംരംഭം രൂപകല്‍പ്പന ചെയ്തിരിക്കുന്നത്. അടിസ്ഥാന വിദ്യാഭ്യാസവും ജീവിത നൈപുണ്യവും, ആശയവിനിമയ കഴിവുകള്‍ ശക്തിപ്പെടുത്തല്‍, അടിസ്ഥാന അക്കാദമിക് കഴിവുകള്‍, വ്യക്തിപരമായ അച്ചടക്കം എന്നിവയില്‍ ശ്രദ്ധ കേന്ദ്രീകരിക്കുന്നതാണ് ആദ്യ വിഭാഗം. തൊഴില്‍ പരിശീലനം, മാനസിക പിന്തുണ, അവബോധ പരിപാടി,വ്യക്തിതത്വ വികസനം എന്നിവയാണ് രണ്ടാം വിഭാഗത്തില്‍ ഉള്‍പ്പെടുത്തിയിരിക്കുന്നത്.

ദീര്‍ഘകാല പെരുമാറ്റ മാറ്റം പ്രോത്സാഹിപ്പിക്കുന്നതിനായി കൗണ്‍സിലിംഗ്, തെറാപ്പി, മാനസികാരോഗ്യ സെഷനുകള്‍ എന്നിവ വാഗ്ദാനം ചെയ്യുന്നതാണ് അവസാനത്തേത്. തിരുത്തല്‍ ക്രമീകരണങ്ങള്‍ക്കുള്ളില്‍ വിദ്യാഭ്യാസവും പരിശീലനവും നല്‍കുന്നത് തടവുകാര്‍ക്ക് അവരുടെ ജീവിതം പുനര്‍നിര്‍മ്മിക്കാനും മോചിതരായ ശേഷം സമൂഹത്തിന് ഗുണകരമായ സംഭാവനകള്‍ നല്‍കാനുമുള്ള യഥാര്‍ത്ഥ അവസരങ്ങള്‍ നല്‍കുന്നതാണ് പദ്ധതിയെന്ന് അധികൃതര്‍ വ്യക്തമാക്കി.

### Related Links & Sources
- [Original Story Source](https://gcc.truevisionnews.com/news/334155/uae-new-rehab-initiative-in-rak-gives-inmates-shot-at-life-after-prison)